سنه حضاره ... ياه كل ده ...تعيشي يا مصر يا ام الدنيا7000
بس ليه وقف العد لحد ال7000؛ ما فيه الفية اولى و الفية تانية ادينا بنقول يا هادي في التالته.
ولا احنا رجعنا نعد من البداية...؟
انا بقول يمكن اللي كان بيعد مات ولا طلع معاش .. والملفات فقدت كالعاده
اوكل ما يروح مندوب الوزارة السامي علشان يستفسر يتقالوا .. تعالى بكرة.. جايز
ولا يمكن موظف مرتشي فتح الدرج و اخد الونجز علشان ينجز وياكل علينا كام سنه
ولا ...ولا ... ولا
انا بس نفسي ..افهم .. اعرف
لـــيـــــــــــــــــــــــــــــــــــــه ؟
سؤال مش عارف له اجابه
و معتقدش حد حيرفع ايده علشان يجاوب
7000 سنه يا مصر و ولادك بينهبوكي و بيسرقوا خيرك
ولسه برضه لاقيين اللقمه اللي ناكلها .. و الهدمه اللي نلبسها
عمار يا مصر .. عمار والله
